Internasjonal Kulturklubb (IKK) vart stifta i 1989. Initiativtakar var ein ung indisk mann med namnet Parmjit Singh. Han sakna ein plass der han kunne møta folk med ulik bakgrunn, nasjonalitet og kultur. Ei handfull norske og utanlandske personar møttest i Stord kulturhus 04.10 1989 og stifta IKK.
Første leiar for klubben var Isabel Ortiz frå Peru.
IKK sin visjon var utveksling av kultur og vennskap under mottoet: Respekt for alle.
Blant målsetjingane var å vera brubyggjar,å fremja forståing for ulike kulturar og å ta vare på dei ulike landa sine interesser og særpreg.
Klubben hadde frå første stund mål om jamn fordeling mellom etnisk norske og personar med utanlandsk bakgrunn i styret.
I 2015 fekk IKK kulturprisen i Stord kommune, der grunngjevinga frå kommunen mellom anna var:
IKK har sidan oppstarten i 1989 vore ein svært viktig bidragsytar for integrering av utanlandske arbeidarar eller borgarar på Stord, samstundes som IKK har bidrege til at Stord er eit interessant internasjonalt samfunn å bu i.
Internasjonalt barnekarneval 30-årsjubileum i år. I 1992 arrangerte IKK det første Internasjonale karnevalet. 340 personar deltok! Fleire enn 400 born/vaksne deltok på det meste. Chicklets har stilt trufast opp med både musikk og leiing av karnevalet.
Internasjonal språkkafè har frå mars 2016 vore fast arrangement på biblioteket. Samarbeid mellom folkebiblioteket , IKK, med Vaksenopplæringa , Nav- flyktning og Stord Mottak som aktive samarbeidspartar
Me arrangerer og lagar til ulike musikk/dansegrupper/kurs. Magedans/orientalsk dans, salsakurs, sambakurs, afrikansk dans- både kurs og meir permanent gruppe, trommekurs , babysong, dansegrupper for unge jenter m.m
Påske-/juleverkstader – gjerne i samarbeid med andre organisasjonar: t.d CISV, Stord Bygdekvinnelag og Stord Røde Kors
Yoga-kurs-samaarbeid med yoga-instruktør.
Internajonale kafèar- 2-3 gonger haust og vår. Me har hatt mange tema-kafèar der me både har fått kjennskap til eit land sin historie, kultur og mat.
Internasjonale matkurs – ca 3-4 gonger pr år. Me rekrutterer personar frå ulike land til å halda kurs
Me har jamnleg samarbeidsmøte med Stord Mottak og arrangerer aktivitetar for borna og dei vaksne på mottaket : t.d turar til Bergen , Haugesund og aktivitetsturar i nærområdet – gjerne i samarbeid med CISV Stord Røde Kors. Me har òg arrangert grillturar i nærmiljøet ,bassengaktivitet for barnefamiliane på stord Mottak,turar i samarbeid med Stord Botaniske forreining m.m
Medlemsrekruttering
IKK har hatt god medlemsrekruttering alle desse åra. Me starta med mellom 15-20 medlemmer første året – og med jamn auke er me no på eit gjennomsnitt på ca 150 medlemmer. Dette er me nøgde med, men me ynskjer sjølvsagt alltid nye medlemmer,- og ynskjer alle hjarteleg velkomne !
IKK ynskjer også å vera ei positiv røyst i samfunnsdebatten om samhandling og inkludering/integrering . Me både arrangerer og deltek i tilstellingar der integrering/ inkludering er tema.
IKK har representant i Kontaktutvalet for flyktningar og innvandrarar .
IKK har markert og feira kvart 5 års-jubileum med fest/festival/seminar mm.
30-årsjubileumet i 2019 vart eit stort arrangement over fleire dagar. Me inviterte tidleg Stord kommune, og lag og organisasjonar på Stord til samarbeid om eit inkluderingsseminar.
I tillegg til seminaret der Marco ElSafadi var føredragshaldar arrangerte me både internasjonal festival i Kulturhuset og avslutta med stor internasjonal fest .
